Tre persona vdiqën pasi një helikopter u rrëzua mbi një shtëpi, ngjarje e ndodhur në Newport Beach të Kalifornisë jugore.
Pamjet e publikuara tregojnë se një pjesë e helikopterit “rrinte varur” nga shtëpia, ndërsa copat ishin të shpërndara përgjatë rrugës.
Policia në Newport Beach tha se në helikopterin e vogël “Robinson 44” kishte katër vetë në kohën e aksidentit. Helikopteri fluturoi vetëm 1.6 kilometra pas ngritjes në aeroportin John Wayne dhe pastaj u rrëzua.
Një hetim për shkakun e aksidentit ishte iniciuar nga inspektorët e Administratës Federale të Aviacionit Civil. Video të postuara në internet tregojnë rrënojat dhe ekipet e shpëtimit në terren pas aksidentit.
Dëshmitari i tha televizionit lokal KCAL se kishte dalë nga shtëpia kur dëgjoi një zhurmë të madhe dhe pa një re të pluhurit. Pastaj ai pa një person të varur nga mjeti.
“Ne donim ta nxjerrim jashtë, por nuk guxonim ta preknim, nuk donim të rrezikonim që ta lëndonim”, tha dëshmitari. /tesheshi.com/
