Pas takimeve të shumta që zhvilloi Albin Kurti me ambasadorë pasi u rikthye në pozitën e kryevetëvendosësit, ato u ndalën pasi Vetëvendosje riktheu gazin lotsjellës në Kuvend me qëllim parandalimin e ratifikimitë të Demarkacionit me Malin e Zi, çka nuk ja dolën.
E pasi gazi tashmë mbetet gjë e kaluar, amabasadorët kanë nisur të trokasin sërish në zyret e VV-së. Akullin e ka thyer ambasadori i Hungarisë, Laszlo Markusz i cili të premten takoi Kurtin dhe deputeten Arbërie Nagavci.
Sipas deklaratës së VV-së, në takim është biseduar për gjendjen politike në vend, integrimet euro-atlantike dhe për bashkëpunimin bilateral të Kosovës me Hungarinë e për mundësitë e shtimit të tij.
Mbetet të shihet në ditët në vijim nëse edhe në derën e VV-së do të troket edhe ambasadori amerikan, Greig Delawie a të tjerë, që e kritikuan jo pak vetëvendosësit për hedhjen e gazit lotsjellës në Kuvend. /tesheshi.com/
