Më shumë se 100 jetimë hebrenj të shpëtuar nga qyteti ukrainas Zhytomyr janë pritur nga zyrtarët izraelitë në kufirin me Rumaninë, sipas shërbimit diplomatik izraelit.
Ministri i Jashtëm izraelit Yair Lapid njoftoi të martën në Twitter se fëmijët ishin pritur në kufi dhe u ishin dhënë batanije dhe rroba të ngrohta përpara se të niseshin për në Izrael.
Roni Shabtai, konsulli izraelit në Rumani, u uroi atyre një “jete më të mirë” gjatë një fjalimi të shkurtër në autobus.
Në Zhytomyr, një qytet 140 kilometra në perëndim të Kievit, disa njerëz u vranë në një sulm rus të martën.
Izraeli vlerëson se rreth 200,000 qytetarë ukrainas kanë të drejtë të emigrojnë në Izrael për shkak të fesë së tyre ose për shkak të origjinës së tyre hebreje.
Më shumë se 2,000 civilë ukrainas kanë vdekur që nga fillimi i pushtimit rus, njoftoi Shërbimi i Urgjencës së Ukrainës.
Në raport thuhet se qindra objekte janë shkatërruar si infrastruktura e trafikut, spitalet, kopshtet dhe banesat.
“Fëmijët, gratë dhe ushtarët po vdesin çdo orë”, thuhet në raport. /tesheshi.com/
