Arabia Saudite ka njoftuar se për shkak të pandemisë së koronavirusit, 60,000 njerëz nga vendi do të pranohen në Haxh këtë vit, ndërsa askush nga jashtë nuk do të pranohet, raporton Anadolu Agency (AA).
Ministria e Haxhit dhe Umres së Arabisë Saudite lëshoi një deklaratë mbi masat që duhet të merren për shkak të pandemisë, si dhe mbi atë se kush do të jetë në gjendje të bëjë pelegrinazhin.
Thuhet se 60,000 njerëz nga vendi do të pranohen në pelegrinazh, ndërsa askush nga jashtë nuk do të pranohet.
Personat që nuk kanë sëmundje kronike, të moshës 18 deri 65 vjeç, të cilët janë vaksinuar, do të pranohen në pelegrinazh.
Në një deklaratë të 9 majit, Ministria e Haxhit dhe Umrah-s njoftoi se Haxhi i këtij viti do të mbahet nën kushte të veçanta shëndetësore dhe të sigurisë për shkak të pandemisë së koronavirusit.
Për shkak të COVID-19, Arabia Saudite pranoi vetëm një numër të kufizuar besimtarësh vendas për Haxhin vitin e kaluar. /tesheshi.com/
