Havier Solana, njeriu simbol i luftës së Kosovës nga ana e bashkësisë ndërkombëtare, mu prej faktit se ishte në krye të NATO-s gjatë fushatës së bombardimeve mbi Serbi, ka mbajtur qëndrimin se Europa nuk duhet të diktojë në formulën e zgjidhjes së çështjeve mes Kosovës dhe Serbisë. E kjo sipas tij, edhe nëse bëhet fjalë që zgjidhja të vijë me ndryshim kufijsh.
“Natyrisht, nuk është e drejtë e BE-së të diktojë kushtet e zgjidhjes së konfliktit dhe është e qartë se pronësia lokale do të jetë çelësi për çdo marrëveshje që mund të dalë nga procesi”, ka shkruar Solana në një analizë të tij.
Ai shpreh besimin se Thaçi e Vuçiç, do mund t’u ngjajnë Zaevit e Tciprasit, në marrëveshjen që këta të fundit arritën për çështjen e emrit.
“Vendosmëritë e Vuçiqit dhe Thaçit në masë të madhe do të varen nga gatishmëria e tyre për të formuluar një propozim real që përkon me vlerat themelore të BE-së. Të dy liderët kanë një mundësi për të përafruar pozicionet e tyre dhe për të matur mendjemprehtësinë politike të qeverisë greke dhe asaj maqedonase”, shkruan Solana. /tesheshi.com/
