Real Madridi fitoi Ligën e 14-të të Kampionëve në fund të sezonit të kaluar, kryesisht falë paraqitjes së shkëlqyer të Thibaut Courtois, i cili mbrojti gjithçka kundër Liverpool-it në finale.
Pikërisht për këtë, por edhe për faktin se me klubin fitoi kampionatin spanjoll, Courtois ishte i pakënaqur me renditjen për Topin e Artë.
Për ngushëllim, ai mori “vetëm” njohjen për portierin më të mirë në botë.
“Nëse je portier, është e pamundur të fitosh Topin e Artë. Kam fituar Ligën e Kampionëve dhe La Ligën. Të gjithë më falënderojnë për pritjet e mia dhe më pas përfundoj i shtati në përzgjedhje… Por të paktën ka një çmimi për portierin më të mirë. Megjithatë, jam krenar sepse e fitova këtë çmim si portieri i Realit”, tha Courtois.
Kujtojmë që Karim Benzema e fitoi çmimin prestigjioz përpara Sadio Mane dhe Kevin de Bruyne, ku në “Top 10” ishin plot katër lojtarë të Realit. Përveç dyshes së përmendur, Vinicius Junior përfundoi i teti, ndërsa Luka Modriç i nënti.
Dhe çfarë duhet të thotë Real Madridi atëherë? Mbretërit fituan Ligën e Kampionëve, d.m.th. dëshmuan se Reali është klubi më i mirë në Evropë, por ai çmim gjithsesi i shkoi Manchester City-t. Liverpool gjithashtu përfundoi përpara Realit. Të dyja skuadrat u eliminuan nga Reali në rrugën e tyre drejt titullit.
“Ekipi i tretë më i mirë në sezonin 2021/22 – i lumtur?”, ka komentuar me sarkazëm mesfushori i Realit, Toni Kroos në Twitter. /tesheshi.com/
