Presidenti i Kosovës, Hashim Thaçi ka deklaruar se ushtria e Kosovës nuk është kërcënim për Ballkanin sesa janë avionët rusë Mig dhe armët e tjera që Moska i ka dhënë Serbisë.
Në një intervistë për Radion Evropa e Lirë se, Thaçi deklaroi se shqetësimet e ardhura nga NATO dhe qarqe të tjera nuk qëndrojnë.
“Ballkani perëndimor rrezikohet nga bazat ushtarake ruse në Serbi, nga aeroplanët Mih të Rusisë në Serbi dhe nga manovrat ushtarake ruse në Serbi. Unë ftoj për unitet politik dhe qytetar në Kosovë dhe definitivisht, kam besim të plotë se deputetët do të shikojnë mbi interesat partiake ditore dhe do të votojnë për shtetin e Kosovës, për transformimin e FSK-së, për ushtrinë e Kosovës, një ushtri kjo multietnike e orientimit euro-atlantik”, tha Thaçi.
“Ne nuk mund të bëhemi pjesë e NATO-s pa e themeluar ushtrinë. Ne kemi pritur deputetët serbë tash e tri vite dhe ata janë deklaruar ditë me parë se kurrë nuk do votojnë themelimin e ushtrisë së Kosovës, sepse janë të ndikuar nga Beogradi dhe tani jemi të detyruar të vazhdojmë me planin ‘B’, ndryshimin e ligjit që është plotësisht në përputhshmëri me Kushtetutën e Republikës së Kosovës”, theksoi kreu i shtetit kosovar. /tesheshi.com/
