Presidenti Hashim Thaçi, gjatë një debati me përfaqësuesit e mediave dhe shoqërisë civile serbe në Çagllavicë u ka folur atyre për iniciativën për themelin e ushtrisë, duke thënë se nisma për transformimin e FSK-së, është në përputhje më kërkesat kushtetuese dhe legale.
Ai ka thënë se preferon që transformimi i FSK-së të bëhet bashkë me serbët por që kjo gjë nuk po ndodh për shkak të mospërkrahjes së deputetëve jo shumicë.
“Nuk mund të pranojmë që të konsultohemi për çështje të interesit tonë strategjik me Serbinë. Rritja e misionit të FSK-së nuk është kërcenim për paqen dhe sigurin në rajon, aq më tepër për ndonjë qytetar. E rëndësishme është që FSK sot dhe nesër si ushtri është multietnike”, tha ai.
Ai më tej tha se NATO dhe partnerët ndërkombëtarë duhet ta ndihmojnë Kosovën gjatë këtij procesi.
Thaçi me këtë rast u bëri thirrje liderëve serb që të kthehen në institucione. /tesheshi.com/
