Hashim Thaçit, tashmë president i Kosovës, po i adresohet dhe e njëjta akuzë që i është adresuar Enver Hoxhës, ish-udhëheqësit komunist shqiptar, se ka ndëshkuar ish-shokë të tij të luftës. Adem Salihaj, deputet i LDK-së, tha gjatë një emisioni në RTV Dukagjini, se Thaçi ka dërguar shumë shokë të luftës në burg.
Komentet e tij u bënë gjatë trajtimit të cështjes së Gjykatës Speciale, ku Salihaj aludoi se ish-kreu politik i UÇK-së, sot President, duhet dhe do të shkojë e të përgjigjet, sipas tij, për krimet e kryera gjatë dhe pas luftës.
“Nuk besojë se atë do të mund ta shpëtojë ndonjë lloj imuniteti, madje as pozita e presidentit. Unë mendoj që ai do të jetë në listën e të akuzuarve. Thaçi është akuzuar publikisht në raportin e Dick Marty-t”, tha Salihaj. /tesheshi.com/
