Në kulmin e debatit mbi faktin nëse Hashim Thaçi duhet të jetë president i Kosovës, ai ka zgjedhur t’i bëjë me dije opinionit publik se është kërcënuar nga ISIS-i.
“Ka qenë kërcënim me vdekje kundër meje dhe familjes sime”, ka thënë Thaçi në një intervistë për agjencinë e lajmeve AFP. Dhe sipas ministrit të jashtëm kosovar, kjo për shkak se ai është treguar i ashpër me këtë grupim terrorist.
Por në këtë moment, ky pohim i Thaçit ngjan si një lloj vetëheroizimi në funksion të trukimit të një imazhi në prag të marrjes së presidences, duke qenë se ka nevojë për mbështetje të madhe ndërkombëtare.
Vetë fakti që deklaratën e lëshon për një media prestigjoze si AFP e jo në ambientin mediatik kosovar, tregon për një përllogaritje të saj, si, ku dhe kur do e thotë. /tesheshi.com/
