A e keni menduar ndonjëherë se mund të eliminoni tërësisht shampot dhe produktet e tjera që përmbajnë kimikate dhe që pretendohet se ndihmojnë flokët tuaj të rriten të shëndetshëm dhe të fortë? Në fakt, është tërësisht e vërtetë se çdo produkt kimik i prodhuar në mënyrë mekanike mund të zëvendësohet me nj produkt natyral që gjendet në gjendje të lirë dhe që të gjithë mund ta aksesojmë.
Sot ju këshillojmë të përdorni mjaltin në vend të shampos.
Efektet:
Zbut flokët
Hidraton në thellësi
Mbron skalpin
Eliminon yndyrën, zbokthin
Eliminon elektrizimin
Dhuron flokë super të shëndetshëm
Nëse keni flokë kaçurrela ato do të bëhen edhe më të bukura e me shkëlqim, e njëjta gjë vlen edhe për flokët e dretjë.
pH i skalpit të njeriut është nga 4 – 7, pH i mjaltit rreth 4.
Ja pse ai është balancues aq i mirë për skalpin dhe problemet e tij.
Majlti organik është antimykotik dhe antifungal, prandaj nëse vuani prej tyre, ai jua zgjidh edhe këto probleme.
Mjalti nuk e ”zhvesh” lëkurën / skalpin nga yndyrnat natyrale që ai prodhon (të mos e ngatërrojmë me yndyrën e dëmshme që i shkaktojnë vetë shampot). Mjalti mirëmban skalpin pikërisht për këtë arsye, sepse ai balancon / normalizon yndyrën natyrale e cila është e nevojshme për të pasur flokë me shkëlqim dhe të pa elektrizuar.
Si të veprojmë?
Marrim një dozë mjalti e cila do të na duhet vetëm për një larje (1 lugë gjelle për shembull). I Shtojmë 3 lugë gjelle me ujë të filtruar, dhe 5 – 10 pika vaj esencial sipas dëshirës ose nevojës së flokëve (vaj esencial livandoje për flokë normalë, vaj esencial rozmarine ose menteje për flokë të yndyrshëm dhe zbokth). Vajrat esencialë përmirësojnë aromën dhe shumëfishojnë efektet mbrojtëse antibakteriale dhe antimykotike, po ashtu ndihmojnë në rritjen e shpejtë të flokëve.
Lagini mirë flokët më pas filloni të shpërndani masën që përgatitët. Masazhojini që të lahen sa më mirë e më pas bëni shpëlarjen. Nuk do të keni nevojë për balsam apo krem.
Bëni kujdes në zgjedhjen e mjaltit. Nëse nuk është organik nuk do të sjelli asnjë nga të mirat që shkruam më lart./tesheshi.com/
