Siç raporton një nga mediat më të mira të teknologjisë, “The Information”, ekipi i zhvilluesve në Facebook është duke punuar për të realizuar një asistencë virtuale për të integruar në brendësi të rrjetit social, aplikacionin Facebook Messenger.
Sipas informacioneve të para, duket se ky projekt i ri do të quhet Moneypenny, duke marrë shkas nga emri i asistentit të James Bond, Miss Moneypenny M., i cili, në filmin e fundit, “Skyfall”, është interpretuar nga aktorja Naomie Harris.
Moneypenny i Facebook do të jetë një asistent virtual, i cili, në mënyrë të ngjashme me Siri, Cortana dhe Google Now, do të ndihmojë përdoruesit e platformës së Mark Zuckerberg të përmbushë deri në fund disa veprime të caktuara.
Për momentin, informacionet zyrtare janë me të vërtetë të pakta, por duket se asistentja virtuale Moneypenny do të jetë e aftë të ndihmojë përdoruesit të përvetësojnë disa tipologji të të mirash dhe shërbimesh, edhe pse nuk është ende e qartë se si rrjeti social do të menaxhojë këto risi dhe pasojat e tyre. /tesheshi.com/
