Shkencëtarët që kryejnë kërkime në Peru kanë emëruar një specie të re gjarpëri sipas Harrison Ford për shkak të mbështetjes që aktori, më i njohur për serinë e filmave Indiana Jones, i dha punës konservuese.
Zvarraniku 40 centimetra i gjatë u zbulua për herë të parë majin e kaluar në xhunglën malore të Parkut Kombëtar Otishi, njoftoi Universiteti Kombëtar i San Marcos. Megjithatë, studiuesit vetëm tani kanë arritur në përfundimin se është një specie e panjohur.
Krijesa ka ngjyrë të verdhë-kafe me njolla të zeza, bark të zi dhe sy bakri dhe i është dhënë emri shkencor Tachymenoides harrisonfordi.
Gjarpri u gjet nga një ekip i udhëhequr nga biologu amerikano-gjerman Edgar Lehr.
“Tani mban emrin e Fordit sepse ai është i përfshirë në mënyrë aktive në çështjet mjedisore”, tha Lehr për AFP. “Harrison pranoi përdorimin e emrit të tij”.
Sipas Lehr, gjarpri u zbulua në një zonë të arritshme vetëm me helikopter. Ekipit të tij iu deshën shtatë ditë për të gjetur gjarprin.
Gjarpri është i padëmshëm për njerëzit, por është i suksesshëm në gjuetinë e zhabave dhe hardhucave, shpjegoi shkencëtari gjerman.
Lehr drejtoi një ekip studiuesish nga Universiteti Kombëtar San Marcos, Universiteti Ndërkombëtar i Floridës dhe Universiteti i Illinois Wesleyan.
Salamandra, një revistë gjermane e herpetologjisë, publikoi një studim mbi zbulimin e llojit të gjarprit në fjalë. /tesheshi.com/
