Kryeministri Rama përcolli një paralajmërim për të gjithë tregtarët e shumicës që të mos abuzojnë me çmimet, siç tha ai, në “këto kohë lufte”.
Sipas shefit të qeverisë, çfarë fitojnë s’do mund ta gëzojnë.
“U bëj thirrje të gjithë tregtarëve të shumicës të lexojnë aktin normativ të masave speciale të luftës dhe të mos luajnë me popullin, sepse pasojat që do të bien mbi ta do të jenë shumë të rënda, e nuk kanë për t’i gëzuar lekët e abuzimeve me çmimet në këtë kohë lufte, ku s’ka haram që do iu bëhet hallall!
Kush i shtrëngon shitësit e pakicës të bëjnë fatura të rreme kryen një paligjshmëri që në këtë kohë do të konsiderohet krim dhe do të trajtohet si krim”, shkroi Rama në FB. /tesheshi.com/
