Kryeministri Haradinaj po vijon betejën e tij me presionin ndërkombëtar për heqjen e taksës, duke, duke iu përmbajtur fort tezës së tij kushtëzuese: njohje nga Serbia.
Por këtë të mërkurë ai ka avancuar dhe më tej.
“Nuk do të lejoj formimin e një bashkësie komunash me shumicë serbe, sepse unë nuk dua Republika Srpska në territorin e Kosovës”, tha Haradinaj, pasi tha se “tash e kupton se njohja e pavarësisë së Kosovës nuk mund të merret pa sakrifikuar një pjesë të territorit të Kosovës.”
“Kanë kërkuar që të jepet tokë. Kanë kërkuar veriun, ku janë minierat, është pasuria. Sot, nuk kryejnë shumë punë, por ndoshta në të ardhmen, janë shumë jetike për Kosovën. Ose është thënë se nëse nuk jepni tokë, jepni një Republikë brenda Republikës”, ka thënë Haradinaj.
Por ai pretendon se Prishtina zyrtare “ka bërë mjaft lëshime deri tani” dhe se “ai besonte në mundësinë e pajtimit të serbëve dhe shqiptarëve”.
Haradinaj doli dhe kundër propozimit të Veselit për heqjen, e më saktë për pezullimin 120 ditë të taksës, duke iu druajtur një prishjeje eventuale me aleaten e madhe, SHBA.
Për të, thotë ai, është e rëndësishme që Kosova të jetë e ndershme me partnerët e saj – SHBA dhe Bashkimin Evropian – dhe se atyre u duhet sqaruar pse e gjitha kjo.
E nëqoftë se, siç tha Haradinaj, “Kosova i hap dyert e saj për prodhimet serbe në 120 ditë, nuk do të ketë nevojë për rivendosjen e taksës për shkak të kohës që në Kosovë mund të hyjë një sasi të madhe mallrash”. /tesheshi.com/
