Në më fundit intervistë, kryeministri në ikje Ramush Haradinaj, u fërkua sërish në distancë me shefin e qeverisë shqiptare Edi Rama, duke thënë se “ne nuk hamë bari”.
Haradinaj pretendon se vizioni rajonal i Ramës ku përfshihet dhe Schengenin rajonal, i shërben Serbisë më shumë se Kosovës.
“Po ai po bëhet nervoz, ai duhet ta kuptojë që bari nuk hamë në Kosovë, ne me këto tema jetojmë gjithë kohën, ne nuk kemi qare pa i nxjerr në dritë këto probleme, nuk mundemi me i hesht”, tha njeriu që humbi rëndë në zgjedhjet e 6 tetorit, e që tashmë i duhet të kalojë në opozitë.
“Pse ne duam me i forcu tregjet tona për ekonominë e Serbisë e nuk integrohemi ndërsjellë, pse nuk kthehemi ne njëherë në një treg të fuqishëm e pastaj edhe të bashkëpunojmë me të tjerët, është tepër e ngutshme me hap Kosovën për Serbinë, me heq taksën për Serbinë, me hap tregun e Shqipërisë për Serbinë për çfarë, vetëm me i bë qefin Vuçiçit ose Rusisë, jo nuk guxojmë ashtu”, arsyetoi Haradinaj. /tesheshi.com/
