Mes të helmuarve në Deçan ëshët dhe ish-kryeministri i Kosovës Ramush Haradinaj. Kjo u bë me dije nga vetë ai, i cili u shpreh se ka shfaqur disa probleme shëndetësore por jo të rënda.
“Të them të drejtën nuk kam pasur simptoma të mëdha, kam pasur pak por jo të mëdha. Fëmijët e motrës, Antigonës, po u prekën rëndë. Shumë të afërm. Nuk është diçka që shpjegohet si gjendje”, tha ai.
Më tej ai tha se “është zvogëluar numri i atyre që kërkojnë ndihmë mjekësore”, gjë që sipas tij jep shpresë se do të ndërpritet kjo situatë e rëndë që vijon prej tre ditësh.
“Situatë mjaft e çuditshme dhe jo e zakonshme. Sidomos dy ditët e para kanë qenë të rënda. I kam parë njerëzit duke vuajtur e veçanërisht ishte e dhimbshme t’i shohësh fëmijët duke vuajtur”, tha Haradinaj në Kanal 10 në Kosovë.
Ndërkohë, ende nuk është qartësuar plotësisht se ç’e shkaktoi helmimin masiv në Deçan, ku gjithsesi arsyet po kërkohen të uji i pijshëm. /tesheshi.com/
