Kryeministri Ramush Haradinaj pritet që muajin e ardhshëm të kryej një vizitë dyditore në Gjermani, me ftesën e Bundestagut gjerman.
Haradinaj do të marrë pjesë me 6 qershor në lutjet e mëngjesit, ceremoni kjo e përvitshme, ku ftohen personalitete të shquara nga e gjithë bota.
“Me ftese të kreut të Bundestagut gjerman, Haradinaj do të merr pjesë në lutjet e mëngjesit që organizohen atje. Pastaj do të ketë takime me deputetë të Bundestagut, si dhe më 6 qershor do të zhvillojë një takim pune me Kancelaren Merkel”, njoftoi zëdhënësja e qeverisë Donjeta Gashi.
Haradinaj do të shfrytëzoj takimin me Merkel për të kërkuar sërish mbështetjen e Gjermanisë në procesin e liberalizimit të vizave, ndërsa tash e sa ditë kreu i qeverisë thotë se vendi e ka një “po” të madhe nga ana e superekomisë europiane. /tesheshi.com/
