Kryeministri Haradinaj ka sulmuar sërish gruan në krye të diplomacisë europiane, Federica Mogherini, duke qenë i bindur se ajo kërkon ndarjen e Kosovës. Me këtë përceptim ndaj saj dhe duke shfytëzuar faktn se ajo do jetë dhe disa muaj në detyrë, kreu i qeverisë së Kosovës tha se arriti ta kuptojë me kohë atë që e konsideron komplot të saj.
Haradinaj i bëri një të tillë përkthim një kërkese që sipas tij, Mogherini i kishte bërë në Tiranë, sërish për heqjen e taksës ndaj Serbisë.
“Mogherini e tha në Tiranë hekne taksën se jau ndaj Kosovën menjëherë. A i ra kështu apo jo? Domethanë, si ta hiqni ju taksën unë e thirri takimin për vazhdim të dialogut. Shyqyr zotit që i kem lexu këto projekte me kohë. Taksa nuk hiqet”, tha Haradinaj në një konferencë për shtyp, duke shtuar më tej: “Mogherini e ka kry mandatin e vet, ajo qëndron deri në fund të tetorit pastaj është vetëm ushtrues detyre”. /tesheshi.com/
