Duke vijuar betejën për kufijtë me presidentin Thaçi, kryeministrin Haradinaj shkoi deri në shpallen “të vdekur” të idesë për ndërrimin e tyre.
“Ideja e ndërrimit të territoreve ka vdekur”, deklaroi shefi i qeverisë së Prishtinës, duke iu referuar për këtë një projektrezulote të partive të koalicionit qeveritar, e cila pritet të kalojë për miratimin në Kuvend.
“Rezoluta është një qëndrim që na obligon të gjithëve, besoj edhe presidentin e vendit. Pra nëse kjo rezolutë do të aprovohet në Parlament, shihet qartë në bazë të rezolutës se kujt i besohen të drejtat dhe për çka. Neni i parë që është marrë nga Kushtetuta e vendit, por që i është shtuar edhe pasuesi i ‘kufijve të panegociueshëm’ nga askush, dhe po ashtu neni gjashtë që të drejtat e këtilla ia njeh vetëm parlamentit. Mirë do të ishte që në parlament të ketë votë pro për këtë rezolutë. Nuk është e qeverisë ashtu siç po thuhet në raste të caktuara, është produkt i një debati mjaft të ndjeshëm që ka ndodhur në Kosovë në këto kohët e fundit”, deklaroi Haradinaj. /tesheshi.com/
