Kryeministri Ramush Haradinaj i ka reaguar zv.ministrit Gjergj Dedaj duke thënë se deklarimet që kanë përmbajtje gjuhën fyese ndaj Republikës së Turqisë, nga kushdo qofshin, janë të papranueshme dhe nuk paraqesin politikën zyrtare të qeverisë.
Sipas tij, këto deklarime, nuk paraqesin as dëshirën e qeverisë dhe të popullit të Kosovës për ruajtjen e marrëdhënieve tashmë tradicionalisht të mira që ka Kosova me Turqinë dhe popullin turk.
Megjithatë Haradinaj nuk ka folur për kërkesën që ja kanë parashtruar deputetët e Grupit 6+ për ta shkarkuar Dedajn, të cilët i dhanë afat deri në fund të javës në të kundërtën paralajmëruan se qeveria nuk do të ketë përkrahjen e tyre.
Kujtojmë se Dedaj të dielën përmes një postimi në Facebook ka thënë se Turqia dhe Serbia synojnë rikthimin e tyre strategjikë në Kosovë, përmes emisarëve të tyre.
Madje ai këto dy shtete i quajti “Shtriga të Ballkanit”. /tesheshi.com/
