Ka qenë i menjëhershëm reagimi i Haradinajt ndaj Ramës, për mbrojtjen që ky i fundit i bëri kryeministrit Kurti, ndaj akuzave pas anullimit të pjessshëm të taksës.
Haradinaj sërish i ka mëshuar tezës së tij, sipas së cilës Rama ka dashur të ndajë Kosovën.
“I kuptueshëm frustrimi i Edi Ramës ndaj meje. E di që nuk ma fal dot që ia prisha planin serbomadh”, shkruan Haradinaj, duke e etiketuar kështu dhe shefin e qeverisë shqiptare si “tradhëtar”.
Haradinaj madje pretendon se në atë çka shkruan Rama ka gisht dhe Lavrovi.
“Edi Rama pas kthimit nga Moska, vepron pa humbur kohë në zbatimin e këshillave të Lavrovit.
Uroj që Kryeministri Kurti të vazhdojë rrugën time të bllokimit të shtegut të Edi Ramës e të tjerëve për copëtimin e Kosovës dhe fuqizimin e Serbisë e Rusisë në rajonin tonë, duke mbajtur taksën deri në kontratën finale për njohje. Të tjerat janë tashmë histori”, shkruan Haradinaj. /tesheshi.com/
