Kandidati për kryeministër nga radhët e PAN-AKR, Ramush Haradinaj, tha gjatë senacës plenare se qeveria e tij do të trashëgojë probleme të shumta.
Por ai shtoi se ajo do të punojë që të përmirësojë Kosovën, qoftë në aspektin ekonomik ashtu edhe social.
“Qeveria që kërkon besimin tuaj trashëgon një situatë të vështirë në vend, në planin e brendshëm dhe të jashtëm, me një situatë të rëndë ekonomike dhe sociale.
Gjendja në përgjithësi, pa i mohuar disa arritje, është e vështirë. Shëndetësia nuk është e mirë, bujku i Kosovës është i vetëm dhe papunësia është e lartë”, tha Haradinaj.
Ai shtoi se qeveria do të marrë “përgjegjësi që të hapim vende pune dhe situata sociale të përmirësohet”. /tesheshi.com/
