Ish-kryeministri Ramush Haradinaj sqaroi një takim me Milan Radoiçiç, njeriun që tashmë është kryemër i ngjarjeve në Kosovë, një lloj Arkani tjetër, ose ose një lloj Prigozhini.
Haradinaj e ka pritur në zyrë këtë famëkeq dhe për këtë ka patur shpjegimin e mëposhtëm.
“Në kohën e krijimit të ushtrisë së Kosovës kemi zhvilluar biseda me të për ligjet për ushtrinë. Në atë kohë jam munduar t’u shpjegoj se ligjet tona nuk janë kundër serbëve të Kosovës dhe u kam siguruar atyre që edhe fëmija i tyre mund të bëhet pjesë e ushtrisë së Kosovës. Ata nuk ranë dakord. Ata kërkonin që në ligj të shtohet një nen ku të thuhet se ushtria e Kosovës nuk shkon në veri pa lejen e NATO dhe KFOR.
Në atë kohë ai ishte një nga serbët e rëndësishëm të kohës por jo i sanksionuar nga SHBA”, ishte sqarimi i Haradinajt dhënë në Euronews Albania. /tesheshi.com/
