Qeveria e Kosovës aprovoi projektligjin për ndalimin e lojërave të fatit, ku siç sqaroi kryeministri Haradinaj, me këtë projektligj ndalohen te gjitha lojërat e fatit përveç Lotarisë së Kosovës.
“Lotaria e Kosovës mbetet pasi që është publike, ndërsa të gjitha lojërat e fatit ndalen. Ata që kanë qenë në pushtet nuk e di pse nuk e kanë kryer këtë punë. Kam thënë që kur të vijmë në pushtet do t’i ndalim disa punë”, ka thënë Haradinaj, ndërkohë që vendimi vjen pas vrasjes së dy personave në kazino, ndërkohë që inisiative qe e LDK-së.
Nga ana tjetër, Haradinaj ofroi logjikën e homologut të Tiranës Edi Rama, sa i përket kostos në vende pune
“Çdo ligj e ka koston e vetë financiare. Edhe kalkulimet se çka ndodhë me atë pare nëse nuk përfundon në këto lojëra. Ajo pare qarkullon prapë në vend. Sa i përket vendeve të punës jemi të gatshëm t’i trajtojmë të gjithë ata që kanë punuar, por mundësitë janë të kufizuara. Kemi pasur shqetësim nga këta njerëz për vendet e tyre të punës, por pasojat e këqija kanë qenë më të mëdha se sa të mirat”, tha Haradinaj. /tesheshi.com/
