Kryeministri Haradinaj, i vetëdijshëm se thirrjet e përditshme që po jua bën opozitarëve, konkretisht Lëvizjes Vetëvendosjes dhe tashmë Grupit të Pavarur të Deputetëve (krahut anti-Kurti që formuan grupin e ri parlamentar) për ta votuar Demarakcionin me Malin e Zi nuk po i bëjnë punë, ka nisur të thirret në emër të qytetarëve, duke thënë se ata po kërkojnë nga politika të mos i lënë të bllokuar.
Ai ju bëri thirrje edhe në seancën e sotme plenare deputetëve të votojnë pro ratifikimit të marrëveshjes së Demarkacionit ditën e martë kur pritet të mbahet seanca dhe të hidhet në votim.
“Prej dy pozicioneve po flas, si kur e kam kundërshtuar e si tash që kërkojë miratimin e tij. Kemi materie qoftë për korrigjim siç ka rënë dakord Qeveria. Kjo është një dalje reale nga një bllokad që ka Kosova, e proceseve shtetndërtuese. Apeloj tek deputetët që të martën ta përkrahni këtë ligj. Nuk mendoj që po bëjmë tregti për viza me votu, po e kemi arritur një mes ku e drejta në territor dhe e drejta me lëviz lirshëm. Shikoni sa njerëz po rrin te ambasada, e thonë që mos na lini të bllokuar”, deklaroi Haradinaj.
Ai tha se marrëveshja e parë për Demarkacionin e nënshkruar nga Thaçi ka pasur kundërshtime, por më vonë është krijuar mundësia që të trajtohet edhe njëherë.
“Komisioni Shtetëror është i kryesuar nga Bulliqi, por s’është i tij. Ai e ka përgatit një raport me të gjeturat për gjendjen reale dhe mundësitë që ky material i jep. Kjo është arsyeja pse Qeveria ka propozuar që kur të votohet marrëveshja, të përfshihet edhe ky dokument. Mirë është që ky raport të respektohet. Nuk bën dëme ky raport. Nëse ka të gjetura faktike, pse mos me ja lanë mundësinë me ardh në shprehje. Fakti se e kemi marrëveshjen mes dy presidentëve, vimë në përfundim se ka hapësirë për korrigjim të marrëveshjes”, tha Haradinaj.
Tutje, ai shtoi se marrëveshja aktuale për Demarkacionin është dalje reale nga një bllokadë, në të cilën gjendet Kosova në proceset shtetndërtuese. /tesheshi.com/
