Kryeministri i Kosovës Ramush Haradinaj ka thënë se vendimi për tarifat doganore ndaj Serbisë, ishte dhe si reagim për barrierat tregtare të imponuara nga Serbia.
E pyetur në një intervistë vjenezia Die Presse, ai tha se e mbështet dialogun mes Kosovën dhe Serbisë dhe se respekton “arriturat dhe detyrimet”, por që shtoi duke theksuar se: “për vite kemi vuajtur nën barrierat tregtare të futura nga Serbia. Për këtë ne u përgjigjëm me tarifa doganore”.
Duke vënë në dukje se Komisioni Evropian kritikoi rritjen e doganave, ai tha se KE duhet të fillojë të kritikojë barrierat e tregtisë e jo ato tarifore.
“Ne nuk mund të vazhdojmë me marrëveshjen e CEFTA-s në qoftë se asaj nuk i përmbahet as fqinji ynë”, tha Haradinaj.
Lidhur me themelimin e Ushtrisë së Kosovës, Haradinaj tha se ishte i hapur për bashkëpunim me serbët e Kosovës, duke i ftuar ata të jenë pjesë e kësaj force, porse Beogradi vijon të abuzojë me ta, tashmë duke kundërshtuar dhe ushtrinë.
“Jam duke punuar ngushtë me serbët e Kosovës dhe dhe kam dëgjuar nga ata se kanë besim në ushtrinë e Kosovës. Kjo është një ushtri e vogël me 5,000 ushtarë dhe nuk do të zëvendësojë forcën ndërkombëtare mbrojtëse të KFOR-it”, shpjegoi kryeministri i Kosovës.
Kur është fjala për ndryshimin e kufijve si zgjidhje, Haradinaj tha se askush në Ballkan nuk është i kënaqur me kufijtë ekzistues, porse është kundër ndryshimit të tyre.
“Para së gjithash, edhe shqiptarët janë jo të lumtur me kufijtë ekzistues. Megjithatë, në qoftë se do ndryshojnë këto kufij, do hapet një kapitull i ri dhe i rrezikshëm. Ne duhet të respektojnë kufijtë dhe në të njëjtën kohë të gjejmë zgjidhje kreative, në mënyrë që e ardhmja të ishte më e mirë se sa sot, për shembull, nëpërmjet një zone të tregtisë së lirë”, tha kreu i qeverisë së Kosovë. /tesheshi.com/
