Kryeministri Ramush Haradinaj, pas kthimit nga Vatikani ka thënë Kosova është në rrugë të mirë për njohjen e shtetësisë nga ana e këtij shteti, duke thënë se ka marrë mbështetje nga Papa Françesku për njohje. Por Haradinaj është shprehur se nuk mund të flasë për ndonjë periudhë kohore.
Sipas tij, Papa është shprehur se e ka në zemër popullin e Kosovës dhe se shpreson se vendi ynë do të gjejë vetën si vend i paqes.
“Tema e njohjes ka qenë fokus i bisedës. Kam pasur mundësi me i tregu për Kosovës dhe kemi përgatitur një kërkesë për njohje dhe i kemi dhënë si dhuratë një mbulesë të 10 vjetorit të pavarësisë, logon”, ka thënë Haradinaj.
Kujtojmë se Haradinaj në vizitën e tij në Vatikan përveç me Papa Françeskun është takuar edhe me sekretarin e shtetit të Vatikanit, Kardinali Pietro Parolin. /tesheshi.com/
