Edhe Nënkryetari i Kuvendit të Kosovës Xhavit Haliti, e këshilloi kryeministrin Haradinaj që të heqë taksën ndaj Serbisë, pasi këtë po ia kërkon këmbëngulësisht SHBA-ja
Ai tha se nuk është në një pozicion që mund t’i diktojë shefit të qeverisë se ç’duhet të bëjë, e se madje taksa ishte një vendim i drejtë ndaj Serbisë për vetë politikat e saj kundër Kosovës, porse tani është koha për t’u riparë
“Mendoj se nuk jemi në një pozicion për të vendosur kushte për Shtetet e Bashkuara. Edhe pse kjo është në konflikt me qëndrimet e djeshme, ne duhet të veprojmë”, ka thënë Haliti.
Para tij, këtë gjë e kërkoi dhe kryetari Kadri Veseli. E kërkon në të njëjtën kohë edhe presidenti Thaçi.
Nga ana tjetër, Haradinaj beson se nuk do ketë cenim të raporteve me SHBA nga forma e zgjedhur për ta zgjidhur këtë çështje. Haradinaj ofron tezën e një garancie ndërkombëtare, edhe amerikane gjithashtu, për një njohje të Kosovës nga Serbia, si kusht për heqjen e taksës. /tesheshi.com/
