Përfaqësuesja e Lartë i BE-së, Federica Mogherini, Komisioneri Johannes Hahn dhe Komisionerja për Tregti, Margareta Malmström i kanë dërguar një letër të përbashkët kryeministrin e Kosovës Ramush Haradinaj, me anë të së cilës i kërkojnë që ta rishohë dhe njëherë vendimin për tarifimin e produkteve nga Serbia e Bosnja, ndërmarrë si një masë ndërgjegjësuese e presioni, për shkak të anti-kosovarizmit të Beogradit.
“Letra është një ofertë për të zgjidhur ankesat e Prishtinës për funksionimin e marrëveshjes së CEFTA-s në mënyrën e duhur”, ka thënë zëdhënësja Koçijançiç, pa dhënë detaje. Pra, letra është parë në planin komercial e jo politik. kjo, pasi Prishtina ka ngritur pretendimin se tarifat janë dhe për shkak të shkeljes së marrëveshjes CEFTA, dhe kjo në një pikë politike.
Ndaj, konçensioni i parë i Brukselit ndaj Prishtinës, është që emri “UNMIK” në CEFTA, do të zëvendësohet nga “Kosova”.
Përfaqësuesit e BE-së, megjithatë, si një shenjë të besimit të mirë, kërkojnë që fillimisht Kosova të pezullojë përkohësisht tarifat.
Qeveria Haradinaj ende nuk ka reaguar ndaj kësaj oferte. /tesheshi.com/
