I kritikur jashtëzakonisht shumë për emërimin enorm të zv.ministrave, Haradinaj po mundohet të arsyetohet para publikut për çka bën të ditur se ka kërkuar nga secili prej tyre që me 10 prill 2018, të paraqesin një raport me shkrim për 100-ditëshin e dytë të qeverisjes, rreth punëve konkrete që janë bërë nëpër ministri me angazhimin e drejtpërdrejt të tyre. Kjo bëhet e ditur përmes një kumtese nga qeveria.
Pavarësisht se kjo mund të vlerësohet një veprim i duhur nga kryeminsitri që sadopak zv.ministrat të djersiten, emërimi i mbi 70 të tillëve cilësohet pika më e dobët e 100-ditëshit të Haradinajt.
Koha ka treguar se zv.ministrat ulen në kolltuket qeveritare vetëm sa për të marrë një pagë e privilegje të tjera, por asnjë prej tyre nuk kanë lënë gjurmë për ndodnjë punë që do mbahej mend. /tesheshi.com/
