Kryeministri i Kosovës Ramush Haradinaj tha se qasja në një pjesë të bashkësisë ndërkombëtare në lidhje me dialogun me Serbinë rrit nevojën që Kosova të sigurojë armë.
Ai u tha gazetarëve rreth kushteve që duhej përmbushur para se të vazhdonte procesi i dialogut.
Haradinaj la të kuptohet se kishte frikë nga një luftë e re me Serbinë, njofton Tanjug.
Siç tha kryeministri, Kosova po kërkon një marrëveshje kuadër me Serbinë për njohje të ndërsjelltë brenda kufijve ekzistues.
Ai shtoi se Serbia bleu armë nga Rusia dhe se kishte arritur një marrëveshje me Francën për sistemin e raketave.
“Ndërkohë, ata na thonë se marrëveshja nuk mund të quhet një marrëveshje për njohjen reciproke brenda kufijve ekzistues. Çfarë të bëjmë atëherë, ne jemi një shtet i pavarur dhe nga dialogu nuk presim asgjë veç njohjes reciproke. Nëse nuk jeni gati për atë, atëherë ky është një mesazh që ne gjithashtu duhet të blejmë armë”, tha Haradinaj.
Javën e kaluar, Haradinaj përsëriti se Kosova nuk do mund të ndahet dhe se qeveria do të mbrojë sovranitetin dhe integritetin territorial me çdo kusht. /tesheshi.com/
