Kryeministri në ikje i Kosovës Ramush Haradinaj, i ka kërkuar publikisht pasuesit të tij të mundshëm Albin Kurti, që menjëherë të formojë qeverinë. Përndryshe, tha Haradinaj në një intervistë për Ekonomia Online, ai duhet t’i hapë rrugë një tjetër zgjidhjeje.
“Unë pres nga z. Kurti që t’i thërret ndërgjegjes së vet. Ose ta gjen formulën me bë shumicën, në këtë rast me LDK-në, sepse unë s’jam palë e negociatave, ose të hapë rrugë”, tha Haradinaj.
“Unë po i tregoj z.Kurtit se nuk është mirë të vonohet. Të lutem mos u vono: ose krijo shumicën, ose jepi fund kësaj gjendje. Sepse jemi ka rrezikojmë më shumë sesa një parti. Pra jemi kah e rrezikojmë funksionimin e vendit”, tha njeriu, për të cilin Albin Kurti, siç e ka thënë më parë, përbën një mashtrim të madh për Kosovën.
Por nga ana tjetër, Haradinaj doli si humbës i madh nga zgjedhjet e 6 tetorit. /tesheshi.com/
