Ramush Haradinaj, ish-kryeministër, kreu i AAK-së, pozicionohet qartë pro Asocacionit serb, kërkuar fuqimisht nga SHBA.
Në një intervistë për VOA-n, Haradinaj u rreshtua krah amerikanëve, duke besuar te ekuacioni i tyre diplomatik.
“Besoj që ambasadori po bën një punë të madhe dhe po i jep një ndihmë Kosovës, për t’i hequr pengesën e fundit para mbërritjes tek mundësia e arritjes së një marrëveshjeje me Serbinë, në atë që njihet si plani franko-gjerman. Kosova duhet ta gjejë një rrugë që të mos mbetet peng i Asociacionit për të arritur këtë marrëveshje. Puna që ka bërë sot ambasadori është një mënyrë për ta konsumuar procesin deri në arritjen e marrëveshjes”, tha Haradinaj.
Sipas tij, Asocacioni nuk është as jokushtetues, siç pretendohet nga kundërshtarët, Kurti kryesori. “Asociacioni për Kosovën është një obligim i marrë me kohë, por për fat të mirë është obligim kushtetues dhe ligjor, pra nuk del jashtë Kushtetutës dhe ligjeve të Kosovës”, theksoi Haradinaj.
Ish-kryeministri vlerësoi dhe planin franko-gjerman, sipas të cilit është më shumë amerikan.
“Përmbajtja që i jep plani franko-fjerman zgjidh të gjitha problemet Kosovë-Serbi. Serbia e njeh Kosovën në planin ndërkombëtar por nuk vendos marrëdhënie dypalëshe, por hapet perspektiva e Kosovës për anëtarësim në të gjitha organizatat ndërkombëtare, përfshirë Kombet e Bashkuara. Pra është një mundësi reale për t’u ‘divorcuar’ përjetësisht me Serbinë”, argumentum ai, duke konkluduar në fund:
“Uashingtoni dhe Amerika e duan Kosovën, e duan popullin e Kosovës, shtetin e Kosovës. Ka vështirësi tani, le ta quajmë në menaxhim të axhendës me qeverinë aktuale, por janë jashtëzakonisht të afërt dhe bashkëpunues me të gjithë ne”. /tesheshi.com/
