Ndërsa partitë opozitare por edhe NISMA e Limajt çdo ditë shprehen kundër që presidenti Thaçi ta vazhdojë dialogun me Serbinë, duke thënë se bartës duhet të jetë qeveria, kryeministri Haradinaj u ka bërë thirrje opozitarëve të përfshihen në këtë proces.
Haradinaj në një mënyrë i ka dalë në ndihmë Thaçit, duke thënë se dialogu nuk duhet të lidhur me rolin e presidentit.
“Ju kisha lutur që të mos rrini jashtë këtij procesi sepse pasojat do të ishin të mëdha. Ftesa ime është për të gjithë, pa hezitim, që të jemi të gjithë në tavolinë”, ka thënë kryeministri Haradinaj.
Por duke parë deklaratat e opozitarëve, kjo lutje e tij do has nëvesh të shurdhër pasi ata janë kategorik që Thaçi nuk duhet të jetë kryenegociator.
Kujtojmë se presidenti Thaçi ka paralajmëruar rinisjen e dialogut me Serbinë për të ashtuquajturën faze finale në mes të muajit qershor, por nuk ka dhënë një datë të saktë. /tesheshi.com/
