Edhe pse pacientë kosovarë ankohen çdo ditë për mungesë barnash nëpër spitale, kryeministri Ramush Haradinaj vlerëson se nën qeverisjen e tij ka nisur ndryshimi i gjendjes në shëndetësi. Dhe meritën për këtë ia jep ministrit Uran Ismaili që vjen nga PDK.
“Puna e madhe po vërehet. Ndryshimi i gjendjes në shëndetësi ka nisur. Gjej rastin këtu të falënderoi publikisht ministrin Ismaili për punën e madhe që po bën për t’i kthyer dinjitetin këtij sektori”, deklaroi Haradinaj, me rastin e shënimit të Ditës Botërore të Shëndetësisë.
Haradinaj më pas foli edhe për problemet që përballet ky sector, me ç’rast tha se mjekët nuk i kanë kushtet e mira të punës, marrin paga të vogla dhe pranoi se ka mungesë të ilaçeve.
Kurse ministri Ismajli premtoi realizim të shumë reformave në shëndetësi gjatë mandatit të tij. /tesheshi.com/
