Kryeministri i Kosovës Ramush Haradinaj tha se Kosova është “pjesë e sferës së ndikimit të Shteteve të Bashkuara dhe Bashkimit Evropian”, dhe se është “në konflikt me sferën ruse të interesit.”
Ai i tha Televizionit T7 me qendër në Prishtinë se konflikti ishte i dy sferave të interesit pranë kufirit me Kosovën.
Përveç kësaj, ai beson se “interesi i Rusisë po bllokon procesin e integrimit evropian të vendeve të Ballkanit Perëndimor”.
Haradinaj ka thënë se takimi i presidentëve të Kosovës, Hashim Thaçi dhe liderit rus Vladimir Putin “është një ngjarje që mund të ndodhë, por nuk e di qëllimin e një takimi të tillë.”
Ai gjithashtu deklaroi se përpara shpalljes së pavarësisë së Kosovës, u sugjerua nga Shtetet e Bashkuara se përfaqësuesit e Kosovës duhet të takohen me zyrtarë rusë.
“Nëse takimi (Thaçi dhe Putin) u mbajt nën sugjerimin e aleatëve tanë, atëherë ajo ka logjikë”, tha Haradinaj.
Zëvendësi i Haradinajt, Enver Hoxhaj, po ashtu ka trajtuar të njëjtën temë, duke thënë se takimi i Thaçit është “një moment i ri në marrëdhëniet ndërkombëtare të Kosovës”.
“Kjo është një ngjarje pozitive dhe një njohje e realitetit të një Kosove të pavarur”, tha Hoxha
Sipas tij, janë keqardhëse reagimet e disa partive politike në Kosovë, që siç tha, “funksionojnë me një skemë bardhë e zi dhe nuk njohin lëvizjet ndërkombëtare jashtë pragjeve të partive të tyre”.
Kryeministri i Kosovës, ndërkohë, paralajmëroi që presidenti Thaçi që të mos e rrezikojë pozitën e tij, pasi në qoftë se dialogu me Serbinë flet për shkëmbimin e territorit, ai mund të shkarkohet.
“Nëse dikush vë një nënshkrim mbi një dokument që përmend ndarjen e Kosovës, do të ndodhë ajo që ka ndodhur me presidentët e tjerë: shkarkimi”.
“Ndarja e Kosovës është antikushtetuese”, ka thënë Haradinaj.
Ai konfirmoi se nuk kishte folur me Thaçin pas takimit të tij me Putin, por përsëriti se “ndarja e Kosovës është jashtë diskutimit”. /tesheshi.com/
