Mbyllje apo pezullim lojrash fati? Ende nuk është konkretizuar një aksion i sapopromovuar politik në Kosovë mbi fatin e lojrave të fatit, pak kohë pasi në Shqipëri ato u mbyllën tërësisht.
Ka qenë kryeministri Haradinaj ai i cili ka përshëndetur rezolutën e një grupi deputetësh në lidhje me to.
“Përshëndes propozim rezolutën e 49 deputetëve të Kuvendit të Republikës së Kosovës, lidhur me pezullimin e aktiviteteve të kazinove dhe lojërave të fatit dhe plotësim ndryshimin e ligjit përkatës.
Ditë më parë, si Kryeministër i vendit kam kërkuar inicimin e procedurave të nevojshme brenda ekzekutivit, të cilat do të rezultonin me mbylljen dhe pezullimin e aktiviteteve të kazinove dhe lojërave të fatit. Përballë kësaj gjendjeje, ne nuk do të lejojmë që këto vende të jenë arenë e krimit dhe të marrin jetë njerëzish. Ekzekutivi dhe organet e sigurisë, tashmë janë mobilizuar për të reaguar dhe parandaluar degradimin e mëtejmë”, shprehet Haradinaj në një status në FB.
Fill pasi në Shqipëri u kumtua mbyllja e tyre nga qeveria, një pjesë kazinosh e lojrash fati u transferuan në Kosovë. Tashmë pritet të shihet se ç’fat do kenë aty. /tesheshi.com/
