Kryeministri, Ramush Haradinaj, një ditë pas marshit protestues “Drejtësi për Astritin”, i cili përfundoi edhe me sulm ndaj qeverisë me ngjyrë e me gurë, ka dalë me një ekip për ta pastruar.
Ka thënë se për humbjen e Astrit Deharit edhe ai ndjen dhimbje, respekton protestuesit që dolën dje, por sulmin ndaj objektit të Qeverisë e konsideron dëm.
“Vetë kam humbë njerëz të familjes, në kohë lufte dhe pas saj. Humbjen e familjarëve e ndjejë thellë dhe kam respekt për familjet që kanë përjetuar dhimbjen. Respekt për protesuesit, por shteti i Kosovës ngritet duke e respektuar dhe duke e forcuar atë Mos e dëmtoni tuajën, sepse institucionet janë të popullit. Familjes Dehari do t’i qëndrojmë pranë dhe drejtësia për Astritin do të vihet në vend”, ka shkruar Haradinaj në Facebook.
Kujtojmë se dje Lëvizja Vetëvendosje i ka dhënë afat tre muaj Qeverisë së Kosovës që të lejojë hetim ndërkombëtar për vdekjen e aktivistit të kësaj partie Astrit Dehari. /tesheshi.com/
