“Unë e humba votën për shkak të Serbisë, sepse ekziston mundësia e ndikimit përmes forcave të buta, me interesa të caktuara, në kohën kur kam paraqitur taksën ndaj Serbisë”, tha Haradinaj për televizionin T7.
Ai është mirënjohës që mori 100,000 vota në zgjedhjet e fundit, përkundër kundërshtimit të tij ndaj SHBA, gjithashtu dhe ndaj kreut të diplomacisë evropiane, Federica Mogerini, për heqjen e taksës 100 përqind për mallrat nga Serbia dhe Bosnja, raporton KosovaOnline.
“Unë çlirova Kosovën nga ata që u përpoqën të më shantazhojnë mua, të tjerët dhe Kosovën”, tha Haradinaj.
Kjo ishte hera e parë që Haradinaj komentonte humbjen, duke nxjerrë dhe shkakun e saj. Ndërkohë, ishte ai që e çoi vendin në zgjedhje të parakohshme, pas dorëheqjes me shkak ftesën nga Specialja. /tesheshi.com/
