Ish-kryeministri i Kosovës Ramush Haradinaj i është ankuar të dërguarit të BE-së Miroslav Lajçak për dy emra nga Brukseli, për ish-kryediplomaten Mogherini, e pasuesin e saj Joseph Borell, që është njëheërësh dhe eprori i tij.
Në një letër të Haradinajt për diplomatin e njohur slloven që ka si mision riaktivizimin e dialogut, njeriu qeverisë Kosovën deri pak para muajsh, thuhet se janë pikërisht ata përgjegjësit e ngecjes së dialogut.
“Dialogu i ndërmjetësuar nga BE nën ish-Përfaqësuesen e Lartë Federica Mogherini ka devijuar nga temat e rëndësisë substanciale, ka rrezikuar të arriturat e Kosovës, dhe ka dëmtuar seriozisht kredibilitetin e BE-së për ta ndërmjetësuar dialogun në të ardhmen. Për më tepër, e shoh qasjen e tanishme nga Përfaqësuesi i Lartë Joseph Borell dhe nga ju si një përpjekje për ta zvarritur marrëveshjen përfundimtare dhe për ta rikthyer dialogun në një proces të pafund”, pretendon Haradinaj.
Më tej, Haradinaj potencon tezën e tij të njohjes reciproke. “Kam qenë vazhdimisht i zëshëm dhe i qartë në të kërkuarit e rolit aktiv të ShBA-së në dialog. Tani – situata me energjinë e re nga ShBA për Kosovën, ka rritur shpresat që dialogu Kosovë-Serbi, mbi një dekadësh, do të finalizohet me njohje reciproke në kufijtë ekzistues. Megjithatë, ndërmjetësimin nga BE nën udhëheqje të ShBA-së e shohim si pozitive”, thuhet në letrën e liderit të AAK-së. /tesheshi.com/
