Kryeministri Haradinaj e bëri të qartë, sidomos për Brukselin, se pa një marrëveshje me Serbinë në të cilën të parashihet njohja e ndërsjelltë, nuk do ketë heqje takse për mallrat serbe.
Në reagim të raporteve të progresit të paraqitura në Komisionin Europian, aty ku dhe njëherë u kërkua heqja e taksës 100 përqindëshe, Haradinaj tha: “Është koha që të deklarohet edhe Kosova dhe Serbia nëse jemi të gatshëm për njohje, ku në këtë rast hiqet taksa. Nëse s’ka marrëveshje për njohje e vazhdojmë gjendjen në të cilën jemi pa heqjen e taksës”.
Sa i përket Raport-Progresit për Kosovën, Haradinaj tha se duhet parë me kujdes.
“Në javën që vjen me ministren Hoxha do ta ftojmë Këshillin Ndërminsitror për Integrime Evropiane që t’i bëjmë analizë raportit më të gjetura që t’i bëjmë detyrat e shtëpisë në këto të gjetura. Është raport me të gjetura të përziera, ka përgëzime të caktuara në disa raste, ka edhe kritika për taksën dhe në përgjithësi. Por është një raport që në vlersim reflekton edhe të gjeturat dhe ngecjet e sfidat që ka Kosova”, deklaroi Haradinaj. /tesheshi.com/
