Nuk dihet se me cilin konkretisht e ka patur kryeministri në dorëheqje Ramush Haradinaj, teksa në Podujevë, në një takim elektoral, tha se disa politikanë kosovarë po shkojnë për t’u këshilluar në Tiranë. E jo kjo, por pjesa tjetër e fjalisë ka qenë një shpotitje e rëndë për politikën e Tiranës.
“Ka njerëz tanë që po shkojnë në Tiranë, a Tirana mezi po i kryen punët e veta. Po ata shkojnë atje me marr drejtimin qysh me u qeverisë Kosova, se nuk po guxojnë ose s’po besojnë që edhe ne jemi popull, jemi shtet, mund të qeverisim veten”, ka thënë Haradinaj.
Referuar një fërkimi të tij një vit me parë me Ramën për të njëjtën temë, duke i kërkuar këtij të fundit që të frenohet nga roli prej lideri për fatin e Kosovës, aludohet që Haradinaj ta ketë patur edhe në këtë rast me Ramën. /tesheshi.com/
