Ramush Haradinaj në prononcimin para mediave pas zgjedhjes në postin e kryeministrit ka thënë se vendi ka shumë ngadalësim dhe shumë probleme prandaj do të angazhohet për të dhënë më të mirën nga vetja.
“Bëhuni gati për një Kosovë të re”, ka thënë Haradinaj.
Ai më tej shtoi se vendi ka shumë probleme ndaj pret bashkëpunim me opozitën.
“E shoh që kemi shumë ngadalësim e shumë probleme. Pres edhe prej dy grupeve politike VV dhe LDK dhe Alternativës që të jemi ata që duhet të jemi në Parlament. Ne kemi marrë besimin e deputetëve dhe do të shërbejmë në bazë të kushtetutës së vendit”, tha ai.
Haradinaj ka mohuar të ketë pasur ndonjë kusht që të votohet nga Lista Serbe.
“Nuk kam pas asnjë kusht”, tha ai. /tesheshi.com/
