Kryeministri i Kosovës, Ramush Haradinaj tha të enjten se pajtimi dhe kompromisi me Serbinë është i mundur vetëm me njohjen reciproke, e cila sipas tij mund të arrihet në samitin e pritshëm në Berlin që do të mbahet më 29 prill, me iniciativën e kancelares gjermane Angela Merkel dhe presidentit francez Emmanuel Macron.
Ai mbajti një konferencë shtypi pas seancës së qeverisë, tha se kompromisi, gjithsesi, nuk do të thotë amnisti ndaj Serbisë për krimet e saj dy dekada më parë.
Por në gjykimin e tij, njohja e ndërsjelltë do të përfaqësonte një lloj pajtimi të shqiptarëve dhe serbëve.
“Bëj thirrje për pajtim. Pajtimi është një kompromis për Kosovën. Pajtimi do të nënkuptonte njohjen reciproke të kufijve ekzistues, ndjekur nga vendosja e marrëdhënieve ekonomike”, ka thënë Haradinaj.
Haradinaj vuri në dukje se politika aktuale po ndryshon në frymën e samitit të ardhshëm të Berlinit.
“Ka ndryshime të rëndësishme kur bëhet fjalë për samitin në Berlin. Dinamika ka ndryshuar”, shoti i pari i qeverisë së Kosovës.
Sipas tij, marrëveshja me Serbinë duhet të arrihet vetëm me njohjen reciproke, e cila do të mundësonte rivendosjen e marrëdhënieve ekonomike.
Ai gjithashtu shprehu bindjen se në samitin e Berlinit nuk do të flitet për territorin e Kosovës.
“Nuk mendoj se do të ketë bisedime në Berlin rreth territorit të Kosovës apo Asosacioni të Komunave serbe”, theksoi Haradinaj. /tesheshi.com/
