Kryeministri i Kosovës Ramush Haradinaj tha se tani nuk është koha për zgjedhje të parakohshme parlamentare në Kosovë dhe i kërkoi opozitës që, në vend se zgjedhjeve, të jetë më e shqetësuar për çështje të tilla si Ushtria, Interpoli, Dialogu apo liberalizimi i vizave.
Në përgjigje të deklaratës së Presidentit, Hashim Thaçi se qeveria duhet të deklarojë nëse ka një shumicë në Kuvendin e Kosovës, Haradinaj ka thënë se ajo do të jetë e qartë vetëm pasi opozita të konfirmojë një qëndrim të unifikuar me 61 deputetë për të rrëzuar qeverinë.
Çështja e shumicës në parlament u hap pas Lista Serbe njoftoi se do i dhuronte opozitës 10 deputetë të saj, për të mundësuar rrëzimin e qeverisë Haradinaj.
“Nuk ka asnjë praktikë mbi deklarimin e ekzistencës së shumicës apo pakicës në parlament, por ne e dimë se puna është e përfunduar kur parlamenti provon se 61 deputetë janë kundër qeverisë. Kur kjo të ndodhë, çdo gjë do të jetë e qartë”, ka thënë Haradinaj
Ndaj ai këshilloi opozitën:
“Do të ishte më mirë të merren me çështje të tilla si Ushtria, Interpoli, Dialogu, liberalizimi, përmirësimin e standardit të kujdesit shëndetësor dhe arsimit”, tha Haradinaj. /tesheshi.com/
