Kryetari i Aleancës për Ardhmërinë e Kosovës, Ramush Haradinaj, me rastin e ditës botërore për dhurimin e gjakut, së bashku me bashkëpartiakët e tij ka dhuruar gjak. Ai thotë se në qendrën ku dhuroi gjak kishte shumë paqeruajtës ndërkombëtarë që dhuronin gjak. Sipas tij, është kulturë të ndihmosh tjetrin pa e njohur.
“Me kolegët e mi nga AAK në Qendrën e Transfuzionit të Gjakut. Më e pakta që mund të bëjmë në një ditë si kjo, është të japim diçka nga vetja për ata mijëra pacientë, që iu ndodh të varen nga gjaku i dhuruar”, thuhet në njoftimin e Haradinajt të publikuar në Facebook.
Por, sipas Haradinajt, kjo është vetëm një ditë dhe thotë se nevoja për gjakun e dhuruar është e përditshme.
“Më gëzoi fakti që paqeruajtësit ndërkombëtar në Bondsteel, ishin përgjigjur në numër të madh dhurimit të gjakut. Dhurimi i gjakut është më shumë se sa kulturë. Është ta ndihmosh tjetrin pa e njohur!”, ka shkruar Harainaj. /tesheshi.com/
