Kryeministri Ramush Haradinaj ka kërkuar nga ministrat e tij që të punojnë edhe të shtunën dhe të bëjnë komentet mbi programin qeveritar, të cilin ua ka dorëzuar sot.
“Ju presim që deri nesër në ora gjashtë t’i dërgoni materialet për plotësimin e plan-programeve. Ju ftoj që t’i riktheheni edhe njëherë programit. Sot e kemi të pamundur të diskutoni, sepse sot e keni marrë”, tha Haradinaj, i cili iu kërkoi ministrave falje që po i detyronte të punonin edhe në ditë pushimi.
Haradinaj porositi ministrat të mos mungojnë në interpelanca, dhe kërkoi nga ta, që të jenë sa më të përgjegjshëm edhe ndaj Parlamentit, e të mos mungojnë në pyetjet parlamentare.
Ai bëri të ditur se mbledhja e ardhshme e qeverisë është të hënën në ora 16:00. /tesheshi.com/
