Daljet publike të kryeministrit të largim, Ramush Haradinaj, nuk po mungojnë edhe pas heqjes dorë nga përgjegjësia e drejtimit të vendit. I njohur për gjuhën e drejtpërdrejtë, Haradinaj morri pjesë në Mitrovicë në një debat publik, ku nuk e kurseu nga llafet një të moshuar i cili ia la fajin për mosfunksionimin e Trepçës.
“Është marrë me folë kështu”, iu përgjigj Haradinaj të moshuarit i cili aludonte se asfaltimi i rrugëve të Dukagjinit nuk është prioritare sa Trepça.
Kryeministri u përpoq të ja kujtonte atij se çfarë ka bërë Peja e Gjakova për Mitrovicën.
“Për herë të parë në histori të Trepçës, jemi bashkëpronar të saj. Nuk duhet ashtu me folë”, ka thënë Haradinaj.
Në debatin e organizuar në qytetin e Mitrovicës kanë marrë pjesë qytetarë e bashkatdhetarë që jetojnë nëpër shtete të ndryshme të Evropës, të cilët kanë diskutuar për problemet e qytetit. /tesheshi.com/
