Karakteristikat e Rrugës së Qumështit mund të jenë shumë të ndryshme nga ato që njihnim. Një hulumtim i bërë nga Akademia Kineze e Shkencës ka lejuar të përshkruhet një profil i galaktikës sonë duke nxjerrë në pak disa karakteristika të pa ditura më parë. Gjerësia, thellësia dhe masa janë shumë më të mëdha nga sa pritej. Një madhësi e konsiderueshme, aq sa mund të krahasohet me galaktikën e afërt të Andromedës. Dhjetë radioskopë të shpërndarë nëpër botë janë përdorur për të përshkruar gjeografinë e Rrugës së Qumështit. E gjitha kjo falë punës së shkencëtarëve kinezë.
Zonat periferike të galaktikës sonë janë zbuluar nga ekspertët me saktësi më të madhe. Bëhet fjalë për një sbulim të rëndësishëm duke patur parasysh se periferitë e galaktikës kanë qenë gjithmonë pak të dukshme për planetin tonë, i cili gjendet në qendër të këtij formimi gjigand. Me pak fjalë, Rruga e Qumështit nuk është motra e vogël e Andromedës, por një binjake e saj. Gjithashtu, studimi ka lejuar të përshkruhet me një saktësi më të madhe distanca ndërmjet Diellit dhe qendrës së galaktikës sonë, e cila tani duket se është 27 mijë e 200 vite dritë larg. Edhe shpejtësia e rrotullimit i ka habitur shkencëtarëst: bëhet fjalë për një levizje prej 240 km në sekondë, një shpejtësi 10 për qind më e lartë se ajo që pritej. /tesheshi.com/
